Byrek me proshutë dhe djathë

Përbërësit:

  • 1 petë sfoliatë
  • 200 gr proshutë
  • 2 kokrra vezë
  • 100 gr djathë i bardhë
  • 150 gr kaçkavall i grirë
  • 150 ml qumësht
  • 1 lugë gjelle miell
  • 2 lugë gjelle vaj ulliri
  • Kripë, piper i zi, arrë moskat

Përgatitja:

Kaurdisni fillimisht proshutën për 2-3 minuta. Hidhni miellin dhe përziejeni për 1 minutë. Shtoni qumështin duke e trazuar vazhdimisht derisa të krijohet një krem i lehtë. Hiqeni nga zjarri dhe lëreni të ftohet pak. Shtoni vezët, djathin e bardhë, një pjesë të djathit kaçkavall, arrën moskat dhe piperin. Shtroni petën e sfoliatës në tavë, hidhni mbushjen dhe spërkateni sipër me pak kaçkavall. Piqeni në 190°C për 30–35 minuta, derisa të marrë ngjyrë të artë dhe të fryhet bukur.